2024
Słowo organizatora:
Latośni 18. rocznik Olimpiady sie odbył w sobote 27. 7. Termin my wybrali kapke nieskorzi, niż je zwykym, aby mogła aj rodzina z Anglie przijechać we wiynkszej liczbie. Anglicki dziecka majóm szkołe eszcze aj w lipcu a tradycyjny termin na Husa jim moc nie pasuje. Byli my moc radzi, że ich nakoniec przijechało 14. A jak uż mieli wożyć takóm ceste, to nie przijechali jyny na Olimpiade, ale zostali cały tydziyń, co by sie aj z rodzinóm wiyncyj spotkać. Je fajne, że aj generacje „młodszych“ bratańców chcóm udziyrżować kontakt miyndzy Anglióm a Góralióm aj nadali.
Rodzina sie jednako z każdóm Olimpiadóm szwarnie rozrosto, precz sóm ty czasy, kaj my se wystarczyli z jednym stanym a pore ławkami. Dzisio uż to przipómino bardzi organizacje jakigo muzycznego festiwalu. Na szczynści było kupe chyntnych do pomocy z całej rodziny (wielki dziynki!). W trakcie pióntku my nagotowali stany, ławki, stoły, bramki, sprche, znicz a wszystko, co ku Olimpiadzie patrzi.
W sobote rano my zaczli kapke ze spóźniynim – bo to jednacze cosi trwo, nim sie zyndzie 206 ludzi a każdy se wypisze miano na nalepke – tradycyjnym zgrómadzynim po rodzinach. Od nejmłodszego z organizatorów Joachima Czudka znicz przebrały ciotki Mania z Budzina a Hela od Fojta a zagajiły Olimpiade. Gołymbie też poleciały. Po mszy świyntej zacznył program dlo dziecek, kiere pełniły zadania na stanowiszczach a za każde spełnióne zadani dostały sztympel. W czasie, co dziecka zawodziły, starsi mógli pofulać a kosztować kołocze, kiery przigotowały a prziniysły wydane baby. Gdyby jyny ty osy tak nie dokuczały…
Po gulaszu na obiod sie na plac dostali aji starsi w zawodzie o puhar Półgróń(wo)man. Szejść dyscyplin otestowało fizycznóm kondycje, przesnóm muszke aj potropiło główki zawodników. Ci, kierzi sie czuli przi sile, mógli przez całe popołedni zkuszać co nejdeli wydzierżec wisiec na hrazdě. Insi se „kondycje“ niechali zmierzać podle obwodu brzucha... Gdo chioł, móg se zrobić aj fotke w śmiysznej paruce. Nakoniec sie groł fuzbal, kaj sie zgłosiło 6 manczaftów. Finałowe penalty sie kopały uż za ćmy – nie wiym, czy tam eszcze co było widać, ale tak dograć sie musiało.
Wieczór uż był program wolny – kómu wygłodniało, doł se szynke albo opiyk kiełbaske, posiedzioł przi ogniu abo se potańczył przi muzyce. Olimpiada jako dycki fest udano, uż teraz sie cieszymy za dwa roki zaś! :)
z Anglie 
, Niedobowie 
, z Bagiynca 
, z Półgrónio 
od Fojta 
, z Gródku 
, z Budzina 
Bratancy = ci, co za to wszecko mogóm :-)
| aktualnie nas je żijóncych (data k 27.7.2024) |
297 |
|
| nejlepszi kołocz upiykły: | półgróńman + woman: | |
|
|
|
|
|
||
|
półgróński brzuch: |
hrazda: | |
|
1. Krzysztof Klimek – 160 sekund |
|
|
|
||
|
fuzbal: |
||
|
||
|
|
||
|
dziecka do 6 roków: |
dziecka do 12 roków: | |
|
|
co se stało od ostatni olimpiady
|
||||||||
|
-------------------------------------------------------------------------
|
||||||||||||||||
|
||||||||||||||||
-------------------------------------------------------------------------
|
||||||||||||
|
||||||||||||
PS: Omówióm se za fotki kiere sóm otoczóne.
Tyto fotki sóm focóne na stojato, a program kiery ich nagrowo na web, nie umiy ich otoczić. 
Tomasz Martynek
zaproszyni - pozvánka
Alois Martynek
Václav Salač